გიორგი გულიაშვილი WWIN ლიგის მე-6 ტურის სიმბოლურში მოხვდა

გიორგი გულიაშვილი ბოსნია/ჰერცოგოვინის ჩემპიონატის მე-6 ტურის სიმბოლურ ნაკრებში დაასახელეს. სარაევოს 23 წლის ქართველი შემტევი ადგილობრივმა TV Arena Sport-მა, WWin-თან ერთად, ტურის საუკეთესო 11 მოთამაშეს შორის დაასახელა.

ბოლო ტურში გულიაშვილის სარაევომ საკუთარ მოედანზე პოსუშიეს უმასპინძლა და ანგარიშში ორჯერ დაწინაურების მიუხედავად, ქულები დაკარგა - 2:2. ამ შეხვედრაშ ანგარიში მე-19 წუთზე სწორედ გიორგი გულიაშვილმა გახსნა, რომელმაც შეუცვლელად ითამაშა. 

აღსანიშნავია, რომ ქართველმა შემტევმა WWIN ლიგაში ჩატარებულ ხუთ შეხვედრაში ამდენივე გოლი გაიტანა და ჩემპიონატის საუკეთესო ბომბარდირია. ამ სეზონში კიდევ ერთი გოლი გულიაშვილმა ევროთასებზე შეაგდო.

გიორგი გულიაშვილის სარაევო 13 ქულით ჩემპიონატის ლიდერია, მომდევნო ტურში, 21 სექტემბერს კი სტუმრად ბორაცს დაუპირისპირდება