დიდხნიანი დისკვალიფიკაცია - რა სასჯელი ემუქრება ლაშა ბექაურს
ზაგრების გრან პრის ბოლო საშეჯიბრო დღეს აკაკი ჯაფარიძემ ბრინჯაოს მედლის მოპოვება მოახერხა.
ჯაფარიძემ (90 კგ.) პირველ წრეში ისრაელის წარმომადგენელი როი სივანი დაამარცხა, შემდეგ სლოვაკ პეტერ ზილკას აჯობა, ხოლო მეოთხედფინალში უნგრელ პეტერ საფრანისთან წააგო. რეპეშაჟში ჯაფარიძემ მეტოქე, აზერბაიჯანელი ვუგარ ტალიბოვი არ გამოუცხადდა, შესაბამისად, ბრინჯაოსთვის შეხვედრა პირდაპირ იჭიდავა, სადაც უკვე სამხრეთკორეელ სუნგო ლის სძლია.
ბრინჯაოს მედალთან ახლოს იყო ამავე წონაში გიორგი ჯაბნიაშვილი, რომელმაც იგივე გზა გაიარა, მაგრამ მედლისთვის შეხვედრა დათმო ნიდერლანდელ მარკ ვან დეიკთან.
ამგვარად, საქართველომ ზაგრების გრან პრი, რომელშიც გადახალისებული შემადგენლობით გამოვიდა, ორი ბრინჯაოს მედალი მოიპოვა. ჯაფარიძის გარდა, ბრინჯაო თენგო ზირაქაშვილმა (66 კგ) დაისაკუთრა.
