ლიგა 1-ის მერვე ტურში პსჟ-მ საკუთარ მოედანზე „სტრასბურგთან“ ფრედ ითამაშა - 3:3.

მასპინძელთა გუნდის მწვრთნელმა ლუის ენრიკემ ნაკრებებიდან დაბრუნებული რამდენიმე ფეხბურთელი და მათ შორის ხვიჩა კვარაცხელია ძირითად შემადგენლობაში არ დააყენა და ის 61-ე წუთზე ბრედლი ბარკოლას ნაცვლად შეუშვა შეცვლაზე, როდესაც 2:3 მარცხდებოდნენ.

„პარი სენ ჟერმენმა“ ზეწოლა გააძლიერა, სენი მეილიუმ ანგარიში გაათანაბრა, კვარაცხელიას დარტყმული ბურთი ერთხელ მიზანს ასცდა, მეორეჯერ მეკარემ აუღო და საბოლოოდ ფრე დაფიქსირდა.

პსჟ 17 ქულით ამ მომენტისთვის ლიდერია და მომავალ მატჩს 21 ოქტომბერს ჩემპიონთა ლიგაზე, ლევერკუზენში „ბაიერთან“ გამართავს.

პარიზი. „პარკ დე პრენსი“

პსჟ - სტრასბურგი 3:3

გოლები: 1:0 ბარკოლა (6), 1:1 პანიჩელი (26), 1:2 მორეირა (42), 1:3 პანიჩელი (47), 2:3 რამუში (58, პენ), 3:3 მეილიუ (79)